Дыскурс беларускі

Нашто яшчэ адзін беларускі сайт?

Дасяжнасць

Праграма «зрабіць слова дасяжным» пастаўлена Скарынам ў 1517 годзе і дагэтуль яшчэ не здзейснена поўнасцю — ні ў дачыненні да Бібліі, ні да іншага якаснага чытва. Дасяжнага беларускага змесціва — бракуе!

Адраджэнне

Пакрысе прачынаецца цікавасць саміх беларусаў да беларускай мовы, яе культурнай прасторы, да беларускасці ўвогуле. Гэтую прастору трэба запаўняць; рух у ёй — трансляваць, зберагаць, перадаваць.

Грушы цвітуць тысячагоддзямі

Дыскурс «братэрскасці народаў» не адпавядае рэчаіснасці — у 2014 як і ў 1654. Беларусы мусяць будаваць свой дыскурс на ўласным матэрыяле: беларускай культурнай прасторы больш за пяць стагоддзяў.

Імкненне

У 21-ым стагоддзі сапраўды Адкрытым можа называцца толькі такое змесціва (кантэнт), якое лёгка знайсці (гэта значыць, яно добра індэксуецца) і якое лёгка ўжываць: спажываць і трансляваць далей (гэта значыць, яно добра адаптаванае да электроннай экасістэмы і дасяжныя яго зыходнікі). Мы жадаем павялічыць прыкметнасць навуковага, адукацыйнага і іншага беларускага кантэнту праз простыя і (але) жыццяздольныя мадэлі выдаўніцтва і індэксацыі — у сеціве і на паперы, у вытворнасці (production) і ў зыходніках.

Беларускае змесціва